الخبز الصربى

الخبز الصربى 

مقادير الخبز

3و1/2 كوب دقيق
معلقه خميره
معلقه صغيره ملح
250 مللى حليب دافىء
معلقه سكر

الحشو والتغليف

جبنه للحشو بيضاء او كيرى او زيتون وجبنه اى شىء تفضليه
سمسم وحبه البركه للتغطيه اختيارى
تلت الى اربع معالق زبده تسيجيهم
لبن وبيض ونسكافيه لدهان الوجه

نعجن مقادير الخبز كلها ونتركها تخمر شويه ونشكلها حوالى 12 قطعه ونفردها على شكل كعكه تحشيها وتبططيها   وبعدين تمرري علىها الزبده الزائبه وتضعيها بالسمسم والحبه البركه ونرصيها فى قالب مدهون زبده تدهنى الملمع البيض والنسكافيه واللبن وتتركيها تخمر نصف ساعه فى مكان دافىء
تضعيها فى فرن سابق الاشعال

الموزة

الموزة

المقادير
موزة

ملح - فلفل - بهارات - معلقة صغيرة كركم - معلقة كارى -حبهان - قرنفل

مستكة - جوزة الطيب - 2 بصلة - نص راس ثوم - نص كوب زيت
الطريقة
نغسل الموزة كويس نتبل الموزة بكل مقادير التتبيل يقشر البصل ويقطع شرائح

نحمر البصل الشرائح ثم نحمر الموزة فى نفس الصينية لحد ما تحمر كلها نغطيها بورقة فويل وندخلها الفرن مع شوية ماء كل ماتحتاج لحد ما تستوى ويا اما تنشفيها يا اما تخلى فيها شوية صوص بنى

صينية الجلاش باللحمة المفرومة

صينية الجلاش باللحمة المفرومة

المقادير
نصف كيلو جلاش

لحمة مفرومة معصجة

بيضتان

ملح - فلفل - كوب حليب - سمن

الطريقة
اضرب البيضتين بالشوكة و عليهم ملح وفلفل و احطهم على كوب اللبن واخلطهم كويس قوى بالشوكة

تدهن صينية بالسمن ثم نضع نص كمية الجلاش مع المسح بالفرشاة سمن بين كل ورقتين و هكذا حتى ننتهى من نص الكمية ثم اضع اللحمه المعصجة مع فردها كويس ثم نضع نص كمية الجلاش التانية بنفس الطريقه الاولى

ثم ادهن وجة الصينية بالفرشاة بالسمن و اقطع الجلاش بالسكينة اما مثلثات او مربعات وادخلها الفرن حوالى 10 دقائق حتلاقيها وشها احمر خفيف اروح مطلعاها و صبة عليها كلها كوب اللبن بالبيض و ادخلها تانى الفرن لحد ما تستوى و تحمر

 تطلعيها و تعيدى تقطيعها على القطعة السابقة و بالهنا و الشفا

المخ البانية

المخ البانية

المقادير
مخ مسلوق _ملح _ فلفل _بيض مضروب_دقيق _ بقسماط ناعم ._سمن
الطريقة 
نقطع المخ اما قطع صغيرة او شرائح  نضع المخ فى الدقيق ويغطي وبعدين نحطة فى البيض و بعدين فى البقسماط  ثم نضع السمن فى مقلاية بس يكون السمن غزير و نحمر المخ 

البيكاتا بالمشروم

البيكاتا بالمشروم

المقادير

شرائح بفتيك بتلو  - ملح - فلفل – عصير ليمونة – ملعقة كبيرة زبدة

علبة مشروم صغيرة مقطعة قطع صغيرة

2 علبة كريمة لباني الحجم الصغير

3 بصلات كبار مقطعين صعير

الطريقة
يتبل شرائح البفتيك بالملح والفلفل و عصيرالليمون ثم نضع الذبدة في صينية يا ريت لو تيفال على النار

 لما تسيح نضع اللحمة و نحمرها على نار هادية مع التقليب باستمرار من الناحيتين لحد ما الوشين يتحمروا

 ثم اشيلهم من الصينية فى طبق و بعدين احط البصل فى الصينية مكان اللحمة اللى شيلتها و اقلبه لحد ما يدبل  يعنى تحسى انه بقى طرى وبعدين تروحى حطة المشروم المقطع مع البصل و تقلبيهم لحد برضة اما تحسى ان المشروم دبل

 وبعدين تروحى حطة الكريمة اللبانى على البصل والمشروم فيغلي لحد ماتلاحظى ان الكريمة اللبانى تخنت شوية

 خلى بالك كل دة حياخد منك مجرد ثوانى علشان الكريمة اللبانى ما بتستناش كتير على النار وبعدين تروحى حطة اللحمة اللى كنتى شيلتيها على جنب فى طبق فى الصينية و يادوب تلفى اللحمة لفة فى الكريمة اللى فى الصينية و تلاحظى انها عليها كريمة من الوشين تشيليها فورا 

مهلبية السميد

مقادير مهلبية السميد
4 اكواب ماء 
12 ملاعق حليب نيدو 
6 ملاعق سميد 
7 ملاعق سكر 
علبة قشطة 
فانيليا

طريقة مهلبية السميد
يخلط الماء مع الحليب و السكر و السميد و توضع على نار هادئة حتى يبدا بالغليان و قبل ان يسمك المزيج تضاف القشطة والفانيليا ثم يحرك حتى يسمك المزيج و يغلط قوامه ثم تبعد عن النار  
يجب ان لا تكون المهلبية سميكة كثيرا  تصب المهلبية في اكواب و تقدم باردة  

طاجن لسان العصفور بالعصاج

طاجن لسان العصفور بالعصاج

المقادير
نص كيلو لسان عصفور

 2 معلقة سمنة

 ربع كيلو لحمة معصجة بالصلصة

الطريقة
نسلق اللسان عصفور زى ما بنسلق المكرونة  ونشطفها بالماء البارد

ادهنى طاجن فرن  بالسمنة  ونضع طبقة من لسان العصفور ونسويها بالمعلقة وبعدين نضع طبقة من العصاج عليها ثم طبقة من لسان العصفور

ضعى على الوجة طبقة خفيفة من العصاج بالصلصة ورشة جبنة مبشورة
ودخليها الفرن يا دوب لتحمر لان كل المقادير مستوية 

كفتة داوود باشا

كفتة داوود باشا

المقادير
نص كيلو لحمة مفرومة حمراء

بصلة متوسطة مبشورة

ملح فلفل

بهارات لحم

 الصلصه

2 ملعقة كبيرة صلصة طماطم

ماء

 نص ملعقة كبيرة توم مهروس

 سمن للتحمير 

الطريقة
تخلط كل المقادير تماما

اخد قطعة لحم اد الليمونة و نكورها بين ايدينا على هيئة كورة وهكذا نستمر حتى ينتهى المقدار كله

نحضر مقلاة تيفال ونضع فيها سمنة الى ان تسخن ثم نحمر الكفتة

بعد ماتتحمر نشيلها فى طبق جانبا

نحضر حلة نضع بها ملعقة من السمن ونضع الثوم المهروس الى ان يصفر ثم اضع الصلصة و الماء و ملح وفلفل الى ان تغلى

اضع الكفتة فى الصلصة الى ان تستوى حوالى ربع ساعة تؤكل مع ارز ابيض و بالهنا و الشفا

طريقة عمل كعك الأرز الكوري

طريقة عمل كعك الأرز الكوري

المقادير

صفار  بيضتين

كوب زبدة

كوب سكر ناعم

ملعقة هال مطحون

بياض بيض مخفوق قليلاً

كوبين كبيران أرز مطحون

كوب فستق او لوز مفروم ناعماً

الطريقة 

اخلطي الزبدة والسكر حتى يتحول الخليط الى كريم خفيف ومنفوش ثم اضيفي صفار البيض تدريجياً واخفق قليلاً

انخلي الأرز المطحون مع الهال وأضيفيهما إلى الخليط لتشكيل عجينه طريه ثم اعجنيها لمدة دقيقتين ثم غطي الوعاء واتركيها ترتاح لمدة ساعهً واحدهً

خذي ملء ملعقة صغيرة من العجينة وشكليها إلى كرات ثم ضعي الكرات على لوحة فرن غير مدهونه بالزبدة 

ادهني الكعك بقليلٍ من بياض البيض ورشي قليلاً من الفستق أو اللوز المفروم ناعماً ثم اخبزيه في فرنٍ معتدلٍ الحرارة لمدة15دقيقة

لاتدعي السطح يحمر  القاعده يجب أن تكون محمرة

اتركيها على لوحة الفرن لمدة 5 دقائق ثم أرفعيه الى رف من السلك ليبرد تماماً

الكفتة المحشية بالحبن

الكفتة المحشية بالحبن
المقادير
بصلة كبيرة مفرومة ناعمة

3 ملاعق كبيرة زيت

فصين ثوم مفرومين

كيلو لحم مفروم

2 ملعقة بقدونس مفروم

ملح

بيضة
ربع كوب بقسماط

1 ملعقة صغيرة بهارات لحمة

1 كوب جبن شيدر مبشورة

الطريقة
حمري البصل فى الزيت لحد ما يدبل ويصفر وبعدين شيلية من الزيت و اركنبة ضعي اللحمة و الملح والثوم والبهارات و البقسماط و البقدونس و البيضة واعجنيها لتحصلي على كفتة متماسكة

افردي على الترابيزة امامك قطعة نايلون ثم افردى فوقها الكفتةعلى هيئة مستطيل وافرديها وبططيها كويس بايدك ضعى البصل فوق اللحم يعنى افردية على المستطيل وبعدين حطى الجبنة الجبن مع ترك مسافة 1 سم من الطروف

 نلف اللحمة على هيئة اسطوانه زى السويسرول

 ضعي رول اللحم فى الصينية ودخليها الفرن لحد ما تستوى وتحمر حوالى ساعة الا ربع بعد ما تطلعيها من الفرن اتركي الرول يبرد شوية قبل التقطيع 

الكبيبة الشامى

الكبيبة الشامى

المقادير
1/2كيلو لحمة مفرومة حمراء

كيلو الا ربع برغل

بصلة متوسطة

ملح - فلفل
للحشو

لحمة مفرومة معصجة 
الطريقة 
اغسلى البرغل كويس و انقعية فى الماء حوالى 1/4 ساعة بس صفى البرغل كويس قوى من الماء

وحطية على فوطة مفرودة علشان تشرب الماء اللى فية وبالضغط علية بين ايديكى كويس

افرمى البرغل الاول لوحدة فى المفرمة او الكبة مع البصلة

ضعى اللحمة المفرومة على البرغل و اخلطيهم كويس وبعدين افرميهم تانى مع بعض و مع التوابل

كونى محضرة جانبك طبق فية ماء مثلج و ابدئى فى عمل وحدات الكبيبة

خدى قطعة اما صغيرة قد البيضة

تبلى ايدك بالماء و تكوريها على شكل بيضاوى و ما تخليهاش تخينة من الداخل و بالمعلقة الصغيرة حطى داخلها الحشوة و بلى ايدك و لفى واقفلى وكدة بقيت جاهزة كملى باقى العجينة

رصصى كل الكبيبة فى صينية و حطيها فى الثلاجة شوية و بعدين يا تحمريها فى زيت غزير 

أرز بالخضار

أرز بالخضار

المقادير

 جزر - فاصولياء خضراء - كوسة - حبة بطاطا -  طماطم - حمص - حبة بصل متوسطة - دجاج  - أرز - ملعقتا طماطم عصبر - فلفل أسود - ملح

طريقة التحضير

 غلي الأرز في قدر إلى أن ينضج

 بعدها يصفى وصبي عليه الماء كي يتخلص من النشاء الموجود فيه

 قطعي الخضر السابقة على شكل مكعبات وضعيها مع الدجاج

 تبليها بقليل من الفلفل الأسود والملح ولاتتركيها على النار مدة طويلة

 بعدها اخلطي الخضر مع الأرز  وأضيفي إليها كمية من الطماطم 

أعيدي الكل على قدر ليفور مدة 5 دقائق

ثم اضيقى الى الخليط قليل من الزبدة  

فخدة فى الفرن

فخدة فى الفرن

فخذة ضانى

2 ملعقة كبيرة صلصة طماطم

ملعقة كبيرة بهارات لحم

2ملعقة كبيرة خل

ملعقة صغيرة فلفل أسود

ملح

 فصوص ثوم صحيحة

 بصلة كبيرة مقطعة حلقات

2 ملعقة كبيرة زيت او سمنة

الطريقة
اغسلي الفخذة ونشفيها

اعملي بعض الخروم بالسكينة فى لحم الفخذة

ضعي في طبق الملح و الفلفل – و البهارات – و الخل – و اخلطيها جيدا

ضعى فى الخروم من خلطة التتبيل وفص ثوم صحيح فى كل خرم وبباقى خلطة التتبيل ندعك بيها الفخدة كلها كويس

نضع الزيت او السمن فى صينية كبيرة على النار ونحمر فيها البصل

نضع الفخدة فى السمنة ونقلبها كويس فيها لحد ما تحمر من جميع الجهات

نتركها على النار ونغطيها مع اضافة الماء كلما احتاجت الى ان تستوى تلت ارباع سوى

غطى الصينية بورق الألمنيوم وضعيها فى الفرن لحد ما تستوى وقبل ما تخرجيها شيلى الورقة الفويل من عليها وادهنيها بصلصة الطماطم علشان وشها يحمر 

كفتة بالصلصة

كفتة بالصلصة

المقادير
1/2 كيلو لحمة مفرومة حمراء

نص راس ثوم صغيرة مقشرة ومهروسه

معلقة كبيرة بقدونس مفروم وفلفل اخضر للتزين

بيضة مضروبة

ملح وفلفل

الصلصة

بصلة كبيرة مفرومة

نص كيلو طماطم مبشورة

معلقة صلصة

ذرة سكر

الطريقة
نخلط اللحمة المفرومة مع الثوم مع البقدونس مع الملح والفلفل كويس ثم نضيفلهم البيضة ونخلط كويس ثم نشكلها أصابع نضع فى حلة على النار كل مقادير الصلصة لحد ما تغلى وبعدين نوطى النار ونضع فيها أصابع اللحمة غطى الحلة وخليها على النار لحد ما تلاقيها استوت وطبعا ممكن تحتاج شوية ماء